Սեպտեմբեր ամսվա հաշվետվություն
Սեպտեմբեր ամսվա ընթացքում մեր նախագծային աշխատանքների շրջանակում իրականացրել ենք մի շարք հետաքրքիր, ուսուցողական և բնապահպանական նախաձեռնություններ։
Ամսվա ընթացքում այցելեցինք թաղիքագործության վարպետանոց, որտեղ ծանոթացանք թաղիքագործության արվեստին, դրա առանձնահատկություններին և պատրաստման գործընթացին։ Ճամփորդությունը հնարավորություն տվեց ոչ միայն նոր գիտելիքներ ձեռք բերել, այլև անմիջականորեն ծանոթանալ հայկական ավանդական արհեստներից մեկին։ Թանգարանը՝ ուսումնական ստեղծագործական հարթակ
Այնուհետև այցելեցինք Բջնիի Սուրբ Աստվածամայր եկեղեցի։ Ճամփորդության ընթացքում հաղթահարեցինք բարձունքը, որը մեզ համար դարձավ հետաքրքիր և միաժամանակ փորձություն պահանջող նախաձեռնություն։ Բարձունքի հաղթահարումը նպաստեց մեր ֆիզիկական ակտիվությանը, միասնականությանը, համառությանն ու նպատակին հասնելու կարողությանը։ Բջնի բերդի բարձունքում
Նախագծի կարևոր մաս էր նաև շրջակա միջավայրի խնամքը։ Մենք հավաքեցինք շրջակայքում եղած աղբը, մաքրեցինք տարածքը, ջրեցինք ծաղիկներն ու ծառերը։ Այս աշխատանքների միջոցով փորձեցինք մեր փոքր ներդրումն ունենալ մաքուր և խնամված միջավայր ունենալու գործում։
Սեպտեմբեր ամսվա ընթացքում երկարացված օրվա ճամբարականները ամեն օր լողացել են Արևելյան դպրոցի մեծ ու մաքուր լողավազանում դրանով՝ զարգացնելով լողալու հմտությունները, ամրապնդելով ֆիզիկական պատրաստվածությունն ու կոփվելով։ https://youtu.be/WSZBpiTLbZI?si=JTqfdiJIbDi7xJ3s
Բացի լողից, երկարացված օրվա ճամբարականները մեծ սիրով մասնակցեցին տարբեր բակային խաղերի։ Խաղացինք ֆուտբոլ, «Անունգոռոցի» և «Գործնագործ»՝ զարգացնելով սովորողների շարժունակությունը, ճարպկությունը, արագ կողմնորոշվելու և թիմում համագործակցելու կարողությունները։ Բակային խաղերը սովորողների համար դարձել են ուրախ, ակտիվ և ընկերական ժամանցի կարևոր մասը։ https://youtu.be/G9KdExDTYEk?feature=shared
